loader

Breaking News


Home > Bollywood > મીના કુમારીની ભૂમિકા અદા કરવા સની લિયોન થઇ તૈયાર


Foto

મીના કુમારીની ભૂમિકા અદા કરવા સની લિયોન થઇ તૈયાર

Oct. 2, 2018, 10:33 a.m.
      Whatsapp   

માનવમિત્ર, નવી દિલ્હી : બોલિવુડમાં ધીમે ધીમે લોકપ્રિય સ્ટાર તરીકે ઉભરી રહેલી સેક્સી સ્ટાર સની લિયોન હવે પડકારરૂપ ભૂમિકા અદા કરવા તૈયાર થઇ ગઇ છે. તે મીનાકુમારીની લાઇફ પર બની રહેલી ફિલ્મમાં કામ કરશે તેવી અટકળો સામે આવી છે. તેને હાલમાં મોટી ઓફર મળી હોવાના અહેવાલ મળ્યા છે. આ ઓફર મળ્યા બાદ તેની કેરિયરમાં ટર્નિંગ પોઇન્ટ આવી શકે છે.



પ્રાપ્ત અહેવાલ મુજબ મીના કુમારીની ભૂમિકા અદા કરવા માટે અનેક ટોપની અભિનેત્રીઓને ઓફર કરવામાં આવી હતી. આ ઓફરને વિદ્યા બાલન જેવી અભિનેત્રી ફગાવી ચુકી છે. હકીકતમાં વિદ્યા બાલનને તુમ્હારી સુલુની સફળતા બાદ દિગ્ગજ અભિનેત્રી મીના કુમારીની બાયોપિક ફિલ્મમાં કામ કરવાની તક મળી હતી. જો કે વિદ્યા બાલને આ રોલ કરવાનો ઇન્કાર કરી દીધો હતો. એમ કહેવામાં આવે છે કે વિદ્યા બાલન પહેલા આ રોલની ઓફર માધુરી દિક્ષિતને પણ કરવામાં આવી હતી. જો કે વિદ્યા બાલન અને માધુરીએ રોલને કરવાનો ઇન્કાર કર્યો હતો. રિપોર્ટસ મુજબ હવે રાઇટર અને નિર્દેશક કરણ રાજદાને પટકથાને લઇને સની લિયોનની પાસે પહોંચ્યા હતા.

સુત્રોનાં જણાવ્યા મુજબ ફિલ્મની પટકથા સની લિયોનને ખુબ પસંદ પડી છે. તે હવે મીના કુમારીનાં રોલમાં નજરે પડી શકે છે. હાલમાં સની લિયોનની રજૂ થયેલી ફિલ્મ તેરા ઇન્તજાર બોક્સ ઓફિસ પર ફ્લોપ સાબિત થઇ હતી. ફિલ્મમાં તેની સાથે અરબાજ ખાને ભૂમિકા અદા કરી હતી. સની લિયોન હાલમાં સાઉથની ફિલ્મોમાં પણ કામ કરી રહી છે. સની લિયોનની પાસે સતત સારી ફિલ્મો હાથમાં આવી રહી છે. શાહરૂખ ખાનની રઇસ ફિલ્મમાં તે આઇટમ સોંગ કરવામાં સફળત રહી હતી.